स्वप्नील जोशीची प्रमुख भूमिका असलेल्या ‘समांतर’ने प्रेक्षकांची आणि समीक्षकांची मने जिंकली. त्यामुळे साहजिकच समीर विद्वांस दिग्दर्शित ‘समांतर २’ (Marathi Web Series Samantar 2 on MX Player) ची घोषणा झाल्यापासूनच प्रेक्षकांना उत्सुकता लागून राहिली होती, ती यात आता पुढे काय पाहायला मिळणार याची. ही उत्सुकता अधिक न ताणता एमएक्स प्लेअरने ‘समांतर २’चा टिझर प्रेक्षकांच्या भेटीला आणला आहे.
सिझन १ मध्ये स्वप्नील जोशीने (कुमार महाजन) नितेश भारद्वाजचा (सुदर्शन चक्रपाणी) शोध घेत त्याच्या भविष्यात काय घडणार आहे, हे जाणून घेण्याचा प्रयत्न केला. त्यावेळी चक्रपाणी यांनी त्यांचा भूतकाळ आणि कुमारचा भविष्यकाळ असलेली डायरी कुमारच्या स्वाधीन केली होती. त्यानुसार कुमारच्या आयुष्यात काही गोष्टी घडतही होत्या आणि एका मनोरंजक वळणावर येऊन ही कथा संपली होती. जिथे कुमारचे भविष्य स्पष्ट दिसत होते.
Samantar 2 Official Teaser Link-
दोन व्यक्ती, एका आयुष्यात दोन वेगळ्या काळात सारख्याच नशिबाचा सामना करत आहेत. चक्रपाणीचा भूतकाळ कुमारचा भविष्यकाळ ठरवू शकेल? हे जाणून घेण्यासाठी मात्र थोडी वाट पाहावी लागेल. तत्पूर्वी प्रेक्षकांची ही उत्सुकता अधिक वाढवण्यासाठी मराठी एमएक्स ओरिजिनल ‘समांतर २’चा ट्रेलर २१ जून रोजी प्रदर्शित होणार आहे.
हेही वाचा – प्लॅनेट मराठी आणि सोनाली कुलकर्णी यांच्या नवीन सस्पेन्स ‘हाकामारी’ सिनेमाची घोषणा
