आमचे सर्व अपडेट्स मिळविण्यासाठी फॉलो करा  :  फेसबुक I ट्विटर इंस्टाग्राम

————————

‘सोप्प नसतं काही’ आणि ‘जॉबलेस’ या दोन वेगळ्या विषयांनंतर ‘प्लॅनेट मराठी’ वर आता निपुण धर्माधिकारी, नितीश पाटणकर, अनुपम बर्वे, मकरंद शिंदे दिग्दर्शित ‘हिंग पुस्तक तलवार’ ही प्रेक्षकांना खदखदून हसायला लावणारी वेबसिरीज प्रेक्षकांच्या भेटीला येत आहे. (Hing Pustak Talwar Marathi Web Series on Planet Marathi OTT from 31st August) नुकताच सोशल मीडियावर ‘हिंग पुस्तक तलवार’चा ट्रेलर प्रदर्शित झाला. ही वेबसिरीज बघताना तुम्हाला तुमच्या मित्रपरिवाराची नक्कीच आठवण येईल.

मित्रांच्या ग्रुपमध्ये प्रत्येकाची अशी एक विशेष ओळख असते. सर्वांचेच स्वभाव काही सारखे नसतात. या वेबसिरीजमध्येही तशाच काही ना काही खासियत असणाऱ्या भन्नाट व्यक्तिरेखा आहेत. कॉर्पोरेटच्या कटकटीला कंटाळलेला ‘अक्षय’ तर गर्लफ्रेंड आणि बॉसमध्ये अडकलेला ‘अमित’, साधी भोळी आणि इनोसेंट अशी ‘अमृता’, दुसऱ्यांची लग्न जुळवणारा पण स्वतःच्या गर्लफ्रेंडला प्रत्येक मुलीत शोधणारा ‘समर’ तसेच मित्रांमध्ये बडबड करणारा परंतु इतरांसमोर शांत असणारा ‘कौस्तुभ’, खूपच प्रॅक्टिकल असणारी ‘सानिका’ आणि प्रत्येकाच्या प्रॉब्लेमचे वन स्टॉप सोल्युशन देणारा ‘पांडे’. आता हे भिन्न स्वभावाचे सर्व जण जेव्हा एकत्र येतील तेव्हा काय धम्माल उडेल, हे प्रेक्षकांना ३१ ऑगस्ट पासून ‘प्लॅनेट मराठी ओटीटी’वर पाहायला मिळेल.

ओमकार रेगे आणि तन्मय कानिटकर यांनी ही वेबसिरीज लिहिली असून यात अक्षयची भूमिका शौनक चांदोरकर, अमितची भूमिका सुशांत घाडगे, अमृताची भूमिका केतकी कुलकर्णी, समरची भूमिका क्षितिश दाते, कौस्तुभची भूमिका नील सालेकर, सानिकाची भूमिका मानसी भवाळकर आणि पांडेची भूमिका अलोक राजवाडे यांनी साकारली आहे. ही धमाल गॅंग ‘हिंग पुस्तक तलवार’ मधून आपल्या सर्वांच्या भेटीला येणार आहे. 

‘हिंग पुस्तक तलवार’ बद्दल ‘प्लॅनेट मराठी ओटीटी’चे प्रमुख, संस्थापक अक्षय बर्दापूरकर म्हणतात, ”प्रेक्षकांना नेहमीच वेगवेगळ्या जॉनरचा कन्टेन्ट देण्याचा आमचा प्रयत्न आहे. दोन वेगळे, थोडे गंभीर विषय प्रेक्षकांच्या भेटीला आणल्यानंतर आता प्लॅनेट मराठी ‘हिंग पुस्तक तलवार’च्या माध्यमातून प्रेक्षकांना भरभरून हसवण्यासाठी सज्ज झाले आहे. वेगवेगळ्या स्वभावाचे मित्र जेव्हा एकत्र येतात, तेव्हा काय धमाका उडतो, हे यात पाहायला मिळणार आहे.”

करमणूक जगताच्या अधिक बातम्यांकरिता क्लिक करा  

Website | + posts

Leave a comment

Instagram

[instagram-feed]

Facebook

[FBW]

Twitter

We are available on Google Play Store. Get it now.

We are available on Google Play Store. Get it now.

Navrang Ruperi © 2022. All rights reserved.

We are available on Google Play Store. Get it now.

Navrang Ruperi © 2022. All rights reserved.