मुंबईः बहुतेक सर्व रामसे ब्रदर्सच्या भयपट चित्रपटांवर लेखनासाठी प्रसिद्ध असलेले चित्रपट निर्माते कुमार रामसे यांचे हृदयविकाराच्या कारणामुळे गुरुवारी निधन झाले. ते 85 वर्षांचे होते. भयपटांसाठी ओळखल्या जाणाऱ्या रामसे ब्रदर्स मधील ते थोरले भाऊ होते. (Filmmaker Kumar Ramsay eldest of Ramsay Brothers passes away)
कुमार यांनी अनेक चित्रपटांसाठी पटकथा लिहिली होती, ज्यात पुराना मंदिर, साया व खोज या चित्रपटांचा समावेश होता. कुमार यांनी आपल्या हिरानंदानी येथील निवासस्थानी अखेरचा श्वास घेतला असे त्यांचा मोठा मुलगा गोपाल याने कळविले. कुमार हा निर्माता एफयू रमसे यांचा मुलगा होता आणि त्या सात भावांमध्ये मोठा होता.
त्याचे छोटे भाऊ तुलसी रामसे आणि श्याम रामसे यांचे अनुक्रमे 2018 आणि 2019 मध्ये निधन झाले. तुलसी, कुमार, श्याम, केशु, किरण, गांगू आणि अर्जुन या सात रामसे बांधवांनी त्यांच्या १९७० सालच्या ‘एक नन्नी मुन्नी सी लडकी’ या चित्रपटावरील प्रेक्षकांच्या प्रतिक्रिया बघून पुढे हॉरर चित्रपटांची निर्मिती सुरु केली.
रामसे ब्रदर्स यांनी चित्रपट निर्मितीसाठी चित्रपट विभागातील विविध विभागांमध्ये आपापल्या कामाची विभागणी केली होती कुमार रामसे यांनी पटकथा हाताळली, गंगूने छायांकन सांभाळले, किरण रामसे ध्वनी विभाग सांभाळला, केशुने प्रॉडक्शन, अर्जुन रामसे यांनी संपादनाची काळजी घेतली आणि तुलसी रामसे यांच्यासमवेत श्याम रामसे यांनी दिग्दर्शन विभाग हाताळला.
कुमार यांच्या पश्चात पत्नी शीला आणि तीन मुले, राज, गोपाल आणि सुनील असा परिवार आहे.
