वैजयंती माला – एक खुबसूरत अदाकारा , देखणी नृत्यांगना!

‘मैं नाचू चांद सितारों पर, शोलों पर और शरारों पर…….. हम ऐसी कला के दीवाने छा जाए नशीली बहारों पर…..छा जाए नशीली बहारों पर………..ती सिने रसिकांची ‘जानेमन ‘ होती. तीने बेभान होऊन नाचावे, मायबाप प्रेक्षकांनी नोटा घेऊन तिकीटांच्या खिडक्यांवर झुंबड उडवावी. ‘तुम संग प्रीत लगायी रसिया मैंने (नयी दिल्ली – १९५६) आणि ‘अरे कोई जाओ री पिया को बुलाओ री ‘ (पटरानी – १९५६) या संगीतकार शंकर जयकिशन च्या बेफाम गाण्यांवर ती दिलफेक नाचली. कधी ती ‘जादुगर सैंय्या छोडो मोरी बैंय्या (नागिन १९५४) म्हणत डोलू लागली तर ‘बागड बम बम बाजे डमरू नाच रे मयूर ‘ (कठपुतली – १९५७) करीत पिसारा फुलवू लागली. गंगा जमुना ( १९६१ ) मध्ये ती म्हणते देखिल —– खूब नचाओ हमको, नाचे धन्नो और दुनिया तमाशा देखे………खरोखरच धन्नो बेफाम नाचली आणि आपल्या अदाकारीने सर्व रसिकांना घायाळ करून गेली. मोठे डोळे, गोल बोलका चेहरा, मंजूळ बोलणे, अभिनयाची उत्तम समज व जाण, पायात भिंगरी घेऊन नाचता नाचता तिने अभिनयाचे शिखर कधी पादाक्रांत केले ते कळलेच नाही. हि अदाकारा कोण असावी याचा अंदाज रसिक प्रेक्षकांना आला असेलच ?? जी हां…. First Female Superstar Of Indian Cinema.. वैजयंती माला…एक खुबसूरत अदाकारा, देखणी नृत्यांगना. वयाच्या अवघ्या १३ व्या वर्षी तामिळ सिनेसृष्टीत पदार्पण करणारी वैजयंती माला १३ ऑगस्टला आपला ८५ वा जन्म दिवस साजरा करत आहे. आपल्या तमाम सिने रसिकांकडून मनःपूर्वक शुभेच्छा …. (Legendary Actress of Golden Era of Hindi Cinema Vyjayanthimala)